لو فالفرقة الرابعة خش هنا .

السلام عليكم ورحمة الله وبركاته

بالنسبة ليكم ( طلبة الفرقة الرابعة)

أن شاء الله عندكم الترم دة 7 مواد بالأضافة لمادة السكاشن لأنتظام
وأسمحولى أرتبهم بالنسبة لصعوبتهم من الأصعب للأسهل ..



1- التنفيذ الجبرى .
ودى أول مادة فالصعوبة ومكونة من جزئين ..
طبعا هى عاملة زى المرافعات اللى خدتوها السنة اللى فاتت بس الفرق بينها وبين المرافعات أن السنة دى د/ الأنصارى هو بس اللى بيدرسها لوحدة والكتابين بتوعه كمان بالأضافة أن هو اللى بيشرحها ..
وانا من وجهه نظرى أنها كدة تبقى أصعب لأن د/ الأنصارى بيعتمد على الفهم شوية ، وأظن أنكم لسة فاكريين أمتحان المرافعات ..
بس المادة محتاجة شوية فهم معاكم وياريت تتقرى كلها مرة قبل ماتحفظوا ..




2- الإجراءات الجنائية .
وطبعا دى بيديها د/ عيد الغريب وهو طبعا ألطف بكتيير من د/ أشرف شمس الدين اللى كان بيديها السنة اللى فاتت . وأن كان د/ أشرف أشد فالمادة العلمية أشد منه ..
وهى أن شاء الله مادة سهلة شوية بس يمكن سبب الصعوبة اللى فيها أن فيها قضايا والراجل دة مش بيشغل الطلبة فالمحاضرات كتيير على القضايا ..



3- القانون الدولى .
ودى بيديها د /بليغ حمدى . بس هو مش كتابه كتاب د/ جابر سالم .
طبعا ياجماعة المادة دى من رأى أنها مادة سمجة كدة .. بس جزء تنازع القوانين لكن جزء الجنسية لذيذ جداً ..



4- القانون المدنى .
ودى معروفه طبعا حبايبكم فالمدنى د /محمد السعيد ود/ أحمد شوقى .
جزء الرهون والجزء التانى الحقوق العينية ، والمدنى السنة دى مش سهل زى السنة اللى فاتت وبرضك مش صعب زى مدنى تانية ..



5- القانون التجارى .
ودى المعروف عنها أنها كانت مادة د/ عبدالحميد القاضى . قبل مايتوفاه الله وحاليا بقت مادة الغالية (د/ حنان مخلوف )
والمادة ياجماعة مقسومة 3 أجزاء
الجزء الأول بتتكلم فيه عن الأوراق التجارية وهتناقش أهم 3 أوراق (الكمبيالة - الشيك - السند لأمر )
والجزء التانى هتاخده فيه الأفلاس ، والجزء الثالث العقود التجارية ،، ودول قسمين أن شاء الله سهليين ..



6- التشريعات البيئية .
وهى مادة كدة ملهاش لازمة بس أن شاء الله تنجحوا فيها ..



7- العقود الإدارية .
وأن شاء الله مادة سهلة والشافعى بيدى فيها تقديرات ..


أتمنالكم يارب النجاح وبتفوق الترم دة وانا تحت أمر أى حد تجديفاوى يحتاج لمساعدتى ...

أبن مخلوووف